Maxfiylik siyosati

1. Umumiy qoidalar

Biz shaxsiy ma'lumotlaring maxfiyligi va daxlsizligini hurmat qilamiz. Ushbu siyosat "Kitob orqali" platformasida qanday ma'lumotlar to'planishi, saqlanishi va qayta ishlanishini ochiq-oydin tushuntiradi.

Serverimiz O'zbekistonda (Eskiz ma'lumotlar markazi) joylashgan bo'lib, milliy qonunchilik talablariga mos ravishda xizmat ko'rsatadi.

2. Nimalar saqlanadi

Platformadan to'laqonli foydalanishing uchun quyidagi ma'lumotlar bazada xavfsiz saqlanadi:

• Telegram ma'lumotlari: Telegram ID, ism, agar kiritilgan bo'lsa @username va profil rasmi (tizimga kirish va profilingni ko'rsatish uchun).
• Yuklangan kitob fayli: O'zing yuklagan kitob fayli (PDF, EPUB, DOCX, TXT) va undan o'qish uchun ajratib olingan bo'limlar matni.
• O'rganish natijalari (progress): Qaysi bo'limlarni o'qiganing, test natijalari, xatolar daftari, takrorlash kartochkalari va kunlik faollik (streak).
• AI krediti va to'lov so'rovlari: kredit harakatlari tarixi, donat so'rovingdagi summa, kod va o'zing yozgan izoh.
• Sessiyalar tarixi: Saytga kirgan qurilmang nomi (User-Agent) va oxirgi marta kirilgan vaqt (xavfsizlikni nazorat qilishing uchun).

3. Nimalar ASLO saqlanmaydi

Biz foydalanuvchilarimizdan ortiqcha ma'lumot so'ramaymiz va quyidagilarni umuman saqlamaymiz:

• Parol yo'q: Saytda parol kiritish tizimi yo'q, hamma kirish Telegram orqali xavfsiz token bilan amalga oshadi.
• Bank karta ma'lumoti yo'q: To'lov saytdan tashqarida qilinadi, biz karta raqami, amal qilish muddati yoki SMS kodlarni so'ramaymiz va saqlamaymiz.

4. Sun'iy intellekt va ma'lumot almashinuvi

Kitobdan darslar, tushuntirishlar va test savollari chiqarish uchun bo'lim matni sun'iy intellekt — Claude (Anthropic) va Gemini (Google) modellariga API orqali uzatiladi.

Muhim: AI'ga faqat kitob bo'limi matni va darsda o'zing bergan savol yuboriladi. Telegram profiling, isming yoki boshqa shaxsiy ma'lumotlaring AI'ga berilmaydi.

Yuklangan kitobing faqat sening shaxsiy o'qishing uchun ishlatiladi, mualliflik huquqi to'liq o'zingda qoladi va boshqa odamlarga ko'rsatilmaydi.

5. Ma'lumotlarni o'chirish huquqi

Sen o'zing yuklagan kitoblarni istalgan vaqtda sayt orqali mustaqil o'chirib tashlashing mumkin.

Agar butun hisobingni, profilingni va barcha o'qish tarixingni butunlay o'chirishni istasang, admin'ga Telegram (@Diyor0722) orqali yozishing kifoya. So'roving bo'yicha barcha ma'lumotlaring zudlik bilan bazadan va serverdan butunlay o'chirib beriladi.

6. Aloqa

Maxfiylik siyosati bo'yicha har qanday savol yoki taklifing bo'lsa, Telegram orqali @Diyor0722 profiliga murojaat qilishing mumkin.